XX. mendeko Euskararen Corpus estatistikoa

Testuingurua

Bai independentziaren bilera gaur Zumaian

Gaur arratsaldeko 8etan, Bai Independentziaren bilera berri bat egingo da Forondan.

Ez ahaztu bilera hauek guztiz irekiak direla, eta beraz edonor joan daitekeela, Euskal Herriko independentziaren jarreraren alde dagoen edonor.

Tai-Chi kurtsoa Azpeitiko Igerilekuan

Datozen apirilak 25 eta 26an, Tai-Chi kurtso intentsibo bat burutuko da Azpeitiko Udal Igerilekuan.

Informazio gehiagorako eta inskripzioak burutzeko, 81 41 21 eta 81 30 69 telefonoetara deitu dezakezue.

Kurtso intentsibo honetan parte hartzeko ahalik eta azkarren eman beharko duzue zuen izena, ikasle kopurua oso mugatua bait dago.

Intsumisoen bilera gaur Azpeitian

Herriko intsumisoek, gaur gaueko 9etatik aurrera bilera bat burutuko dute Sindikatu Zaharrean.

Ikasleentzat antzerkia Azkoitiko Baztartxon

Gaur goizeko 10,30etan, Azkoitiko Xabier Munibe Ikastolak antolaturik, antzerki emanaldi bat burutuko dute ikastolako 7. mailako ikasleek Baztartxo antzokian.

Emankizun hau herriko ikastetxe guztietako 5., 6. eta 7. mailako ikasleei zuzendua dago.

Antzeztuko diren lanak, Imanol Elias azpeitiarraren Azken asmakizuna eta Gau beldurgarria dira.

Enbalai jasotzerik ez, ostiralean Azkoitian

Aztoitiko Udalak ostiralero izaten den enbalai jasotzerik ez dela izango gogorarazten du, ostiral santu eguna dela eta.

Aberri Egunerako deialdia Zarauzko Bai Independentziari

Datorren igandean Aberri Eguna ospatuko dugu abertzaleok, Bai Independentziari plataformak deialdia zabaldu nahi du lerro hauetatik independentzia aldarrikatuz, Hondarribian elkartu gaitezen denok aipatu egunean.

Honetarako autobusak irtengo dira Parrokia aurretik igandean goizeko 10etan eta izenemateak Mendizabal, Txiki Polit, Kupela, Tarin, Arrano ea Mondran egin beharko direla jakinarazten zaizue.

Bazkaria ere izango denez, txartelak bertan erosi ditzazkezuela.